BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-19 Donostia Txapelketa 11:30

Gai-emailea

Azkune, Laxaro

Bertsolariak / Egileak

Enbeita, Jon

Lana

Bakarka gaia-emanda

Jarritako gaia

Putre bat zara. Orainartean urtero-urtero Leitzarango mendietan egin izan duzu zure habia. Gaur zeru gainetik autopista berriaren inagurazioa ikusten ari zara.

Deskribapena

Doinua

Munduko ilunabarra

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-19 Donostia Txapelketa 11:30 [Bertsoa] / Jon Enbeita

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Hegotan haize epela,
barnea daukat goibela,
hau ikuskizun krudela,
nola aipatu bestela?
Ikusi nuen makina zaharrak
korrika bazetozela,
baina ez nuen inoiz pentsatu
hau ikusterik honela;
apurka-apurka ludi zabal hau
bihurtzen doaz gartzela;
gure kabia, zemento gogor;
ez al da, jaunak, itzela?
Leizaran ere puskatu dute
beste tokiak bezela. (bis)

Hormigoia ta burdina
eta asfalto zikina;
al zen hortako premina?
Hauxe da daukadan mina.
Alde denetan gizona dugu
guretzat berdin-berdina:
eurak jainkotu eta besteok
soilik gara hondakina.
Hobe azaldu ahal banezake
nire garratzaren grina;
ez baita, jaunak, pentsatu ondo,
txorientzat atsegina
libertadean bizi nahi eta
inun be bizi ezina. (bis)

Ta omen dira gizaki,
sinesten zaila izaki,
egin gaituzte bi zati,
portatu dira basati.
Zoritxarrean izan dituzte
makina bat erabaki;
azken batean gerta direnak
soil-soil denen adabaki;
nire barruan justizi eske
odol beroak diraki;
zer dela eta gure bizitza
behar digute ebaki?
Eta, bakarrik, aurrerapena
dutela euren aitzaki? (bis)