1993-12-19 Donostia Txapelketa 17:00 [Bertsoa] / Aritz Lopategi

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Deskribapena

Doinua

Leiho ertzetik entzun dezaket

Neurria / Estrofaren izena

Neurri luzekoak

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

1993-12-19 Donostia Txapelketa 17:00 [Bertsoa] / Aritz Lopategi

Neurria: Neurri luzekoak
Kokapena: XDZ - Xenpelar Dokumentazio Zentroa

Larrean nago eta badaukat
sobra gogo ta indarra,
lau hankak sendo eta buruan
ere kristoren adarra;
baina gero zer izango dudan
pentsatuz, hau zoritxarra,
samina eta negarra,
hain sentitzen naiz bakarra!
Ondo pentsatzen jarri ezkero,
ez da ez gauza edarra,
jendean "Ole! , Ole!" entzunez,
horrelxe hil beharra. (bis)

Plaza hortan zer jasoko dudan,
ez al da izango demasa?
Zertako nire indarra eta
zertako nire arraza?
Toreruaren aurrean jarriz,
ez da izango jolasa;
bete-bete egin da plaza,
zein etorkizun eskasa. (bis)
Nahiz eta jakin ez dala izango
lan gozo edo erraza,
burrukatuaz eman behar dut
neure azkenengo arnasa. (bis)

Hemen larrean ibili arren
bueltaka oso brabo,
nerbio batzuk sentitzen ditut
gero eta hurbilago;
orain daukadan bizitasuna
aldatuko da zeharo;
hain sentitzen naiz arraro,
laister nireak akabo. (bis)
Nahiz eta ez dan erreza izango,
saiatu beharra dago:
toreru hori neuk hil behar dut,
berak ni hil baino lehenago. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko