BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-19 Donostia Txapelketa 17:00

Gai-emailea

Mandaluniz, Bernardo

Bertsolariak / Egileak

Egaña, Andoni

Lana

Bakarka gaia-emanda kartzelako-lana

Jarritako gaia

Zezen-plaza inguruko belaze batean ari zaren zezena zara. Zauden lekutik ole! eta txalo zaparrada latzak entzuten dituzu.

Gaiari oharrak

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Deskribapena

Doinua

Maitasuna da bizi izateko

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-19 Donostia Txapelketa 17:00 [Bertsoa] / Andoni Egaña

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

"Sobrero" batek kontatu zidan
zer den ezpata zorrotza;
orain artean ederki jan det
inguruko larre motza;
pentsatzen jarri ta sentitzen det
amorrua eta lotsa:
zezen ororen morrontza:
indarkeria ta bortxa.(bis)
Ederki asko entzun dezaket
hor barruko "ole!" hotsa,
elkarrengandik zein hurbil dauden
bizia eta heriotza!

Gizasemeak, batek fraka du,
besteak bi puru lodi;
emakumeek ere peineta
eta hainbeste histori;
nere kide bat hortxe barruan
egon liteke hil zori;
badaukat malko ugari
ez al da bistan nabari? (bis)
Gauza bat garbi esan nahi diot
persona degun orori:
Bizitza denok merezi degu,
gauza jakina da hori. (bis)

Bi banderila bizkarrean da
hiru ezpata buruko;
barruan dedan beste zezenaz
ez al naiz akordatuko?
Pertsonak pizti bihurtzen dira
aukera izan orduko
ta guri bizia uko,
ez zaizkigu aldatuko. (bis)
Askatasuna maitatzen det nik,
denok zerate lekuko;
hemendik ospa banoa eta
ez naute harrapatuko. (bis)