Bertsoak - Fitxa ikusi   Atal honi buruz gehiago jakiteko

1993-12-05 Eibar Txapelketa 11:30 [Bertsoa] / Jon Enbeita

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (11. 1993)
Saioa
1993-12-05 Eibar Txapelketa 11:30
Gai-emailea
Azkune, Laxaro
Bertsolariak / Egileak
Enbeita, Jon
Lana
Bakarka gaia-emanda kartzelako-lana
Jarritako gaia
Txirrindularia zara. Etaparen erdia, denei tiraka ibili behar izan duzu. Etapako azken portua igotzerakoan azkena geratu zara eta bakarrik zoaz.
Gaiari oharrak
Aukerako gaiak:
1. GAIA: Astelehen goizeko 7ak dira. Tabernan zaude, atzo txanpaina edaten ari zinen leku eta ordu berean
kafesnea hartzen.
2. GAIA: Txirrindularia zara. Etaparen erdia, denei tiraka ibili behar izan duzu. Etapako azken portua
igotzerakoan azkena geratu zara eta bakarrik zoaz.

Deskribapena

Doinua
Maitasuna da bizi izateko
Neurria / Estrofaren izena
Neurri luzekoak

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1993-12-05 Eibar Txapelketa 11:30 [Bertsoa] / Jon Enbeita

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

Irten aurretik gidaria zen
premisa hauetan mintza:
"Tiratu gogor mendi denetan",
ta bete dut nire hitza,
peoi garenok egunik egun
beti horrela gabiltza.
Txirrindulari bizitza:
orain poza, orain gaitza.(bis)
Baina, hala ere, gaitzerdi leike
egin dudan lan bortitza
taldekideak gero helmugan
irabazteko balitza.(bis)

Oraindik oso gazte naiz, baina
beste bat dugu izarra.
Baten ondoan lan egin behar,
hori dugu lege zaharra.
Egunkarian zabalduko da
nire lanaren izparra.
Badaukat nahiko indarra,
nerbioa ta giharra,(bis)
baina hauxe da lanbide honek
daukan alde txar bakarra:
batek gloria iritsi dezan
askok sufritu beharra.(bis)

Burutik behera sorbaldaraino
dator izerdi umela,
sarri askotan destinoa da
hain latza ta hain krudela...
Baina sekula ni ez naiz izan
lan egiteko motela.
Bizitza honen kordela
aurrera doa horrela:(bis)
nahiz ta Indurainek jantziko duen
Parisen bere txapela,
nik mailot horren zati txiki bat
badakit neurea dela.(bis)

Datu-base honetan eskainitako informazioari buruz jakiteko, kontsultatu lege oharra