BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-11-01 Gernika-Lumo Txapelketa

Gai-emailea

Mandaluniz, Bernardo

Bertsolariak / Egileak

Agirre, Bittor "Bitti"

Areitio, Juan Mari

Lana

Binaka gaia-emanda

Jarritako gaia

Areitio, aitona; eta Agirre, biloba zarete. Biok elkarrekin entzun duzue gaueko 8etako partea edo albistegia. Bertan esan dutenez, hemen, berehala, egundoko lurrikara omen dator. Aitona errosarioa errezatzen hasi da. Biloba, beti bezala, beheko tabernara doa.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-11-01 Gernika-Lumo Txapelketa [Bertsoa] / Bittor Agirre "Bitti", Juan Mari Areitio

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Areitio:
Notizi txarrak datoz
gure kalterako;
gaur hemen zelakua!,
esaera baterako.
Bizirik ez gerade
inor aterako;
prestatu beharra da
beste mundurako.

B.Agirre:
Laister degu mundua
guretzat lur joa;
alperrik da errezoa
baita ere lujoa.
Oin arte pasa degu
bizitza majoa...
Ni nere lagun zaharrak
agurtzera noa.

Areitio:
Iloba hau ikusteak
nola ez eman penik?
Honek ez du pentsatzen *
beste munduik danik.
Gaizto samarra zera,
lehendik antzemanik;
notizi hau ez pentsa
gaur gezurra danik.

B. Agirre:
Momentua heldu da
oso serioa:
hil beharra guk laister
hau kalbarioa!
Munduai egin behar
orain adioa;
aitona, zertako da
errosarioa?

Areitio:
Errosarioaz zuk
hainbeste zalantza,
nahio dozu tragoa
jolas eta dantza,
baina etorri zaigu
oso berri latza;
nik beste mundurako
daukat esperantza.

B. Agirre:
Beti izan gera
geroko horrekin,
zer etorkizun dagon
nahiz inork ez jakin.
Azken arnasa eman
zagun alkarrekin;
trago bat egitera
etorri nerekin.