1993-12-19 Donostia Txapelketa 17:00 [Bertsoa] / Unai Iturriaga

Aukerako gaiak:
1 GAIA: Herriko parkean zauden banko bat zara. Asteburuetan zure inguruan gertatzen denaren berri
konta iezaguzu.
2. GAIA: Zezen-plaza inguruko belaze batean ari zaren zezena zara. Zauden lekutik ole! eta txalo
zaparrada latzak entzuten dituzu.

Deskribapena

Doinua

Leiho ertzetik entzun dezaket

Neurria / Estrofaren izena

Neurri luzekoak

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

1993-12-19 Donostia Txapelketa 17:00 [Bertsoa] / Unai Iturriaga

Neurria: Neurri luzekoak
Kokapena: XDZ - Xenpelar Dokumentazio Zentroa

Arratsaldetan hasten da lana,
jana eta berehala;
jente ugari hurbildu ohi zait
bereak bukatu ahala.
Umezaintzaile ugari daude
kokoteraino dirala:
papila erori dala,
zikindu zaio magala. (bis)
Baina txarrenak umeak dira,
ez da kuadrila kabala,
eta gainera esertzen dira
behar ez duten bezala. (bis)

Alde batetik negarrez daude
ta bestetik tormentuak,
parke honetan guztiz ezberdin
joaten dira momentuak:
arratsaldea pasatu ahala,
oihuak eta kantuak
eta besteen kantuak,
norbaitek hor kontatuak. (bis)
Iluntzerantza etortzen dira
gaztetxo lotsabakuak
eta orduan gustoz entzuten
ditut nik hoien kontuak. (bis)

Espresatzea kostatutzen zait
erraza da ulertzeko,
sentimentuak ez dira errez
horrela adierazteko.
Denporada da April aldera,
aste santuan hasteko;
Ekainean ikasteko,
Uztailean jolasteko;
oraindik ere makinatxo bat
zirri daukat ikusteko,
gero negua heltzen denean
berriz bakarrik uzteko. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko