Bertsoak - Fitxa ikusi   Atal honi buruz gehiago jakiteko

1997-11-01 Getxo Txapelketa [Bertsoa] / Unai Iturriaga, Joxe Munduate

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (12. 1997)
Saioa
1997-11-01 Getxo Txapelketa
Gai-emailea
Mandaluniz, Bernardo
Bertsolariak / Egileak
Iturriaga, Unai
Munduate, Joxe
Lana
Binaka gaia-emanda
Jarritako gaia
Herri txiki batean bizi zarete, ingurune zoragarrian. Joxek, paraje honetaz baliatuz turismoa erakarri nahi luke. Unaik, ordea, bere horretan mantendu nahi du..

Deskribapena

Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1997-11-01 Getxo Txapelketa [Bertsoa] / Unai Iturriaga, Joxe Munduate

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 


Iturriaga
Leku hau danik esan
ezin nik inori.
Hemen natura dago
bizi eta jori;
udazkenean lurra
dugu gori-gori.
Turismo kontu hortan
ez zaite erori,
gehiegi ikusten duzu
Benta Berri hori. (bis)

Munduate
Mendi eta itsaso
berekin du dena;
Euskal Herriak duen
herri ederrena.
Aldatzea ez al da
izango zuzena?
Ideia bat badaukat:
turismoarena;
bere hortan hiltzen da
aldatzen ez dena. (bis)

Iturriaga
Pagadi ederra ta
mendirako beta,
ur gardenez datorren
ederren erreka;
zoriontsu naizela
uste dut tarteka.
Zuk kanpotarrak hona
ekarri nahi eta,
laster da bilbotarrez
goraino beteta. (bis)

Munduate
Bilbotarrak badatoz
etor daitezela!
Denak hartuko dira
anaiak bezela.
Baserri ta marinel,
aukera itzela,
produktoak saltzeko
egokia dela;
geuk aterako dugu
hemengo labela. (bis)

Iturriaga
Zuk Rosa Diezekin
nahi zenduke bizi.
Hala bada joan zaitez
hemendik igesi.
Sekula ez naiz hola
haserratzen hasi.
Euzkia irteten ta
sartzean ikusi,
apreziatzen ez dunak
ez du hori merezi. (bis)

Munduate
Aldatzean hor dago
bizi-arrazoia;
alferrik da oraingoz
zerorren sermoia.
Herri honetan igo
behar da listoia,
ta oraindik urruti
jarri behar da goia.
Zuk itxura bakarrik
duzu aurrerakoia. (bis)

Datu-base honetan eskainitako informazioari buruz jakiteko, kontsultatu lege oharra