Bertsoak - Fitxa ikusi Atal honi buruz gehiago jakiteko
1997-12-14 Donostia Txapelketa 16:30 [Bertsoa] / Mikel Mendizabal
| Bertsoa entzun |
1997-12-14 Donostia Txapelketa 16:30 [Bertsoa] / Mikel Mendizabal
Neurria:
Neurri luzekoak
Kokapena:
XDZ - Xenpelar Dokumentazio Zentroa
Hogeita hamaseiko urtez
ta uztail bero batez,
eraman gintuzten katez;
lehendabiziko Nafarroara
oso ibilbide neëez,
ta gero handik Santanderrera,
osa ginan dohakabez.
Orain etxean neure hankari
so goiz eta arratsaldez,
gerra zahar hura buka zan baina
eragin zuen mina ez. (bis)
Batzuek hanka moztuta,
besteek burua beztuta,
ez daukat hori ahaztuta;
nik suertea izan nuen ta
itzulirik osatuta,
mutilazio txiki bat daukat
halare konformatuta.
Gerra kontuak gure sendian
sarri dira aipatu-ta,
bene-benetan gorrotatzen det
horrek bihotzik ez du-ta. (bis)
Burrukatzea zan xede,
bai saiatu, alafede!
Bainan joan ez banintz hobe,
zauriak eta oroimen txarrak
oraindik bizirik daude;
horregatikan aterako naiz
intsumisioan alde,
gerra piztea garai hauetan
nahiz ez degun nobedade,
gure semeak bizi daitezen
hori ezagutu gabe. (bis)
Datu-base honetan eskainitako informazioari buruz jakiteko, kontsultatu lege oharra