Bertsoak - Fitxa ikusi Atal honi buruz gehiago jakiteko
2005-11-12 Markina-Xemein Txapelketa [Bertsoa] / Amets Arzallus
| Bertsoa entzun |
2005-11-12 Markina-Xemein Txapelketa [Bertsoa] / Amets Arzallus
Neurria:
Hamaseikoa, handiaren moldekoa, 9 puntuz (hg) / Bederatzi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Gaur urtebete eman zidaten
mediku analisia
ta medikuak bi masailetan
egin zidan karizia
hitzez hitz hala aitortu zidan:
zuk daukazu minbizia.
Gero ilea galtzen joan nintzen
birusaren malizia
eta pixkana herri guztira
zabaldu zen notizia
zertaraino iritsia?
Urtebetean itxia.
Orain berriz ez ateratzea
nere azken gutizia
biak bakarrik ustel gaitezen
ni eta nire bizia.
Kalera irten aurretik amak
eman zidan igurtzia:
animo seme segi kalera
ez zaude hain itsusia.
A ze nolako izerdi jasa
burua tente eutsia
ta begiradak nere gainera
bihotza erditik hautsia
inortxok ere laguntzarikan
ez baitit erakutsia
nere itxaropen gutxia
ta zuek bazter utzia.
Etxeko gela ilun honetan
laburbiltzen da guzia
nere ikusi ezina eta
zuen ezin ikusia.
Nahiz ta berdina gertatu zaien
bati baino gehiagori
alperrik dira mila aholku
konseilu eta teori
norberegana iritsiz gero
jota lurrera erori;
orain ez daukat kalera irten
behar den aina kategori
malkoak dauzkat bi masailetan
eta hemen nago hilzori
hoiek goizeroko ogi
bi malko txiki ta lodi.
Hemen hilko naiz baina hala're
esan nahiko nuke hori:
ni gaixo egon naiteke baina
zuek ez zaudete ongi.
Datu-base honetan eskainitako informazioari buruz jakiteko, kontsultatu lege oharra