Bertsoak - Fitxa ikusi Atal honi buruz gehiago jakiteko
2005-11-12 Markina-Xemein Txapelketa [Bertsoa] / Igor Elortza, Jon Maia
| Bertsoa entzun |
2005-11-12 Markina-Xemein Txapelketa [Bertsoa] / Igor Elortza, Jon Maia
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Maia:
Hor zotzetan badaude
hainbat gauza eder
balinak joan zaizkit
bazterrikan bazter;
arratsalde osoan
ez det bota ezer
bista zuzena daukat
eskopeta oker. (bis)
I. Elortza:
Batera ta bestera
nik eman bi pausu
jonelako markarik
ez da egin usu
parean jarri eta
halere ezin duzu
nire betaurrekoak
gura al dituzu? (bis)
J. Maia:
Diru pila gastatzen
ari naiz ai ama!
Zure anteojorik
ez dut nahi laztana.
Hasieratik bota
nahi nuen labana
berrogei bat eurotan
ertengo zaidana.
I. Elortza:
Juramentuka zabiltz
Jaunan izenean
eta tranpak ikusiz
gaurkoan denean.
Berrogei hamarrera
iristen denean
oparituta eman
baietz azkenean. (bis)
J. Maia:
Baina ez dut nahi heldu
behingoz azkenera
luze-luzea doa
tiroen karrera.
Balin hau ez badoa
behar den parera
hurrena botako det
eskopeta bera. (bis)
I. Elortza:
Haserretu zara ta
orain bai akabo!
Ahaleginak egiten
tiroka luzaro
bota zazu errekara
eta urrinago
egia esateko
oker-oker dago. (bis)
J. Maia:
Hara, hara egia
horra bapatean
dena aitortu dezu
ta zure kaltean.
Zerorri jarri zaitez
hortxe zotz batean
eta baietz asmatu
begien tartean. (bis)
I. Elortza:
Hitz egiten didazu
era ustelean
hor labana opari
ta zoaz kalean.
Aukera jartzen dizut
modu zabalean
edo poltsan sartuta
edo sabelean. (bis)
Datu-base honetan eskainitako informazioari buruz jakiteko, kontsultatu lege oharra