Bertsoak - Fitxa ikusi Atal honi buruz gehiago jakiteko
2005-10-23 Arrasate Txapelketa [Bertsoa] / Aitor Sarriegi
| Bertsoa entzun |
2005-10-23 Arrasate Txapelketa [Bertsoa] / Aitor Sarriegi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Espero baino arintxeago
husten zitzaidan kartera
eta haseran pentsatu nuen
nere kontua ote da?
Gero ordea susmagarritzat
hartu det semea bera
kanpoan sarri ibiltzen da ta
gutxitan dator etxera
badakit gaizki dagola baina
jarri egin det kamera. (bis)
Goizean irten ta gauerarte
aritu ohi naiz lanean
eta garairik egokiena
horixe da aidanean;
gaur bueltatu naiz grabatu dena
ongi ikusteko planean
ta etxeko sofan eseri eta
prest ipini naizenean
a ze sorpresa semean ordez
senarra irten denean. (bis)
Nahikoa ez zen grabatzea ta
joan naiz pixkat harago
etxetik jeitxi eta kaleko
lehenengo tabernan nago
bertan senarra hantxe ari zen
egin zait horren arraro
txanpon makinak gatibatua
dauka gizonak zeharo
ez du onartu nahi berak baina
gizona gaixorik dago. (bis)
Datu-base honetan eskainitako informazioari buruz jakiteko, kontsultatu lege oharra