Bertsoak - Fitxa ikusi Atal honi buruz gehiago jakiteko
2005-10-23 Arrasate Txapelketa [Bertsoa] / Iñaki Zelaia
| Bertsoa entzun |
2005-10-23 Arrasate Txapelketa [Bertsoa] / Iñaki Zelaia
Neurria:
Neurri berezikoak
Kokapena:
XDZ - Xenpelar Dokumentazio Zentroa
Bizi naiz gizon zintzo antzean
emaztea det nere ertzean
ta alaba bat hogei urtekin
beste semerik ezean; (bis)
jeikitakoan goizean
kezka denbora luzean
alaba gelan sartzean
horregatikan kamaratxo bat
ipini nion etxean
beldur bainintzen sartu ote zen
drogaren zulo beltzean. (bis)
Hogei urtekin egin nahi hegan
ondo badakit nik hori zer dan
baina hamaika kezka izkutu
izan ditut nik neregan (bis)
nahiz ta alkoholik ez edan
drogak dauzka bere gelan
oker dabil izaeran
aita hain harro ta hain alaia
alaba dabilen eran...
Etxe berean egonagatik
zein urruti bizi geran. (bis)
Nere alaba hain da ahula
nahiz ta ustetan izan mardula
bere barruan zer gertatzen den
errez ezin det kalkula. (bis)
Dibertitzeko formula
porroa edo pilula
ez nun usteko sekula
inguratu ta esango diot
nahiz ez ondo disimula
ez nagoela haserre baino
hitz egin behar degula. (bis)
Datu-base honetan eskainitako informazioari buruz jakiteko, kontsultatu lege oharra