Bertsoak - Fitxa ikusi Atal honi buruz gehiago jakiteko
2005-10-23 Arrasate Txapelketa [Bertsoa] / Estitxu Arozena
Bertsoa entzun |
2005-10-23 Arrasate Txapelketa [Bertsoa] / Estitxu Arozena
Neurria:
Neurri berezikoak
Kokapena:
XDZ - Xenpelar Dokumentazio Zentroa
Gizarte hontan badaukagunez
denok milaka endredo
haurdun gelditu ta erabaki bat
guk hartu genuen bero;
haur zaintzailea izandu dugu
gure etxean bezero
ubeldura bat ikusi nuen
ta atzamarka bat gero;
zaintzaile hori ezagututa
ez nuen asko espero
ume gaixoa jotzen duela
egunero-egunero.
Karrera egin lanean hasi
hori dugu gure patu
amatasunan baja segidan
egin zitzaidan bukatu
ta nagusiak erraten zidan
kontratua da kontratu!
Orain bihotza hautsia daukat
ezin naiz etxera sartu;
komisaldegi batera joan
ta denuntzia paratu
emakume horri nik ezin diot
aurpegira begiratu.
Era honetan hasi daiteke
ume ttiki baten drama
eta geratu ahal zitzaienez
bizi guztirako zama
aldatu egin beharko dugu
gure bizimodu plana
ea goxatzen dugun umea
gure neskato laztana!
Gaur gauez bertan zuzenduko naiz
nere senarrarengana
bitatik batek utzi beharko
du gaur bertan bere lana.
Datu-base honetan eskainitako informazioari buruz jakiteko, kontsultatu lege oharra