Bertsoak - Fitxa ikusi Atal honi buruz gehiago jakiteko
2009-10-11 Bilbo Txapelketa [Bertsoa] / Jexux Mari Irazu Muñoa, Iñaki Zelaia
Bertsoa entzun |
2009-10-11 Bilbo Txapelketa [Bertsoa] / Jexux Mari Irazu Muñoa, Iñaki Zelaia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
I. Zelaia
Urduri eta bihotzekoak
jotzeko punttuan gaude
seme Iñaki kalamidade
hori daukat parez pare.
Etxean hamar aldiz bota dit
hona etorrita hala ere
agurra ere ezin du bota
batere trabatu gabe!
J.M. Irazu
Nere hau ere etorri da ba
mutur hezur zuriyakin
baino apuntatu aurretik ere
zer zetorkiyon bazekin.
Jexux Mariren ama naiz eta
nerbioso nago fin-fin
ta banijoa naiz etorri dan
alkandora berriyakin.
I. Zelaia
Gure semean jantziak ere
andrearen opariak.
Orain kantatu aurretik mahaian
prestu dauzkate sariak
bertso txukunik kantatu gabe
txalo jotzen du jendiak...
Garai bateko bertsolariak
haiek bai bertsolariak!
J.M. Irazu
Lehengoak joan hitunan eta
haiek zeuden bukatuta.
Aizan Maria gu hemen gauden
barruak seko nahastuta.
Hire semean erropan ere
ederki naun fijatu-ta
nikia ere gaur ekarri din
oso ondo plantxatuta!
I. Zelaia
Saiatu gera semea janzten
tokatzen zaion bezela:
galtza bakero berri-berriak
jarri dizkiou horrela
nikia ere ondo plantxatu
ez degu bukatu bela!
Espero dugu itxurak ere
puntuatuko duela.
J.M. Irazu
Bai bai munduak funtzionatzen din
itxuraren arabera
ta begiraion ze elegantzi
dagoen goitikan behera!
Nik ez dizkinat gaur aguantatzen
bertsoa eta opera!
Nik ezin dinat hemen egon ta
guazeman Guggenheimera!
Datu-base honetan eskainitako informazioari buruz jakiteko, kontsultatu lege oharra