Bertsoak - Fitxa ikusi Atal honi buruz gehiago jakiteko
2009-10-18 Zarautz Txapelketa [Bertsoa] / Unai Agirre Goia
| Bertsoa entzun |
2009-10-18 Zarautz Txapelketa [Bertsoa] / Unai Agirre Goia
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Hilabete bat pasatua det
halamoduzko peskisan
herriko festak izaten dira
orain hor eta berriz han.
Neronek ondo jakin nezake
nundikan nora zabiltzan
neu're gazte izan nitzan
garai batean bizitzan.
Jo ta jo dabil jo ta jo berriz
amorratuaren gisan
goizeko lautan telefonoa
ona ezin leike izan. (bis)
Zerbaitek dio ordubetean
geldi geratu nadila.
Gurasoaren bizitza degu
batzuetan marabilla
baina besteetan gure barruan
sortzen dan kezka isila...
Imajinatzen dut hila
edo gaxoa zurbila.
Jaiki ohietik arnasa hartu
lasaitu zaitez mutila!
Mundua ez da beti beltza ta
salara joan zaite bila. (bis)
Hainbeste bildur sartuko zenik
ez nuen asko usteko!
Baina azkenean atrebitu naiz
ondo batekoz besteko.
Amesgaizto hau buka dadila
buka dadila konpleto!
Egiz garbi esateko
ez zait atera hain terko.
Berak esan dit "Atta etorri"
parre-murritz bat tarteko
gasolinarik gabe dagola
ta bere bila joateko. (bis)
Datu-base honetan eskainitako informazioari buruz jakiteko, kontsultatu lege oharra