Bertsoak - Fitxa ikusi Atal honi buruz gehiago jakiteko
2009-10-24 Laudio Txapelketa [Bertsoa] / Miren Amuriza, Fredi Paia
| Bertsoa entzun |
2009-10-24 Laudio Txapelketa [Bertsoa] / Miren Amuriza, Fredi Paia
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
M. Amuriza
Nahiz lehen egunetan
sentitu arraro
Fredi zahar etxe hau
oso ondo dago.
Baietz momentu onak
batera igaro!
Etorri zarenetik
nago askoz pozago
txoriei hitz egiten
gogaituta nago. (bis)
F. Paia
Ni aurkitu ninduten
etxean botata
andrea hil zenetik
lagun dut koñaka
eta hor ibiltzen naiz
beti tantaz tanta...
Faltan botako duzu
txori eta kanta
gaur ekarri dizute
pajaro galanta! (bis)
M. Amuriza
Etxe honetan gaude
hogei zahar inguru
eta gela berean
gaude buruz buru.
Esperientzi berriak
dauzkazu seguru
gauez erromeria
dugunez helburu
Pajaritos dantzatzen
ikasiko dugu. (bis)
F. Paia
Neguan bizi nintzen
ta heldu da uda
infernura etorri
ta heldu zerura.
Falta daukat arropa
dirua ta muda
baina zerbait sartu nun
poltsiko barrura:
Viagra frogatzeko
garaia heldu da. (bis)
M. Amuriza
Txoritxoa ekarri
duzu antza tinko
eta bai egia da
nik zaitut begiko.
Oporrak hasten dira
hementxe betiko
ta bihurtuko zaitut
berriro mutiko
Viagra-ren beharrik
ez duzu edukiko! (bis)
F. Paia
Marilyn dirudizu
kontutan hartuta
naturan kontra egin
behar dugu burruka.
Azken urte hauetan
nenbilen galduta
zoriontsu nintzake
ez nezake uka
biok hilko bagina
eskutik helduta. (bis)
Datu-base honetan eskainitako informazioari buruz jakiteko, kontsultatu lege oharra