Bertsoak - Fitxa ikusi Atal honi buruz gehiago jakiteko
2009-11-15 Hendaia Txapelketa [Bertsoa] / Amets Arzallus, Jone Uria Albizuri
| Bertsoa entzun |
2009-11-15 Hendaia Txapelketa [Bertsoa] / Amets Arzallus, Jone Uria Albizuri
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
J. Uria
Zelako bikote fina
printzea ta erregina!
Amarentzako gazte hori da
gaur printze urdina.
Lehenago dena zen mina
ez zait inporta adina
edo ez behintzat gure amaren
zoriona adina. (bis)
A. Arzallus
Ibili zen malkotan blai
ziaboga txiki baten zai
buelta hartu du ikusi dut ta
ni ez nago lasai.
Garenez arreba-anai
Jone duda bat daukat ai:
maite du edo gure amak ez du
bakarrik egon nahi. (bis)
J. Uria
Nahiz ta ez duen senarrik
ez izan hain susmo txarrik
nire iritziz amak ez baitu
inoren beharrik
berak badauka indarrik
nauzu harritu samarrik
lehenago ere gurekin inoiz
ez da egon bakarrik. (bis)
A. Arzallus
Ze duda eta ze gudu!
Jone ez nago seguru
ama etxean bakarrik sarri
utzi izan dugu.
Bere bide edo mundu
berriak zentzua nun du?
Ez da ba izango ez diogula
nahikoa lagundu? (bis)
J. Uria
Gure laguntza katea
itxi ahal dugu atea
nire ustetan hori ez dugu
amaren kaltea.
Ai ene neba maitea
onartu eta bakea
ez al duzu nahi gure umeek
aitona izatea? (bis)
A. Arzallus
Arrazoia konpletoa
baina ez da hain petoa
nik erantzun bat badaukat nere
kezken artekoa:
gure haurra etxekoa
ta geure babesekoa
nola esplikatu aitona dela
hogei urtekoa? (bis)
Datu-base honetan eskainitako informazioari buruz jakiteko, kontsultatu lege oharra