BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (15. 2009)

Saioa

2009-11-21 Gernika-Lumo Txapelketa

Gai-emailea

Mandaluniz, Bernardo

Bertsolariak / Egileak

Elortza, Igor

Martin, Jon

Lana

Binaka gaia-emanda

Jarritako gaia

Zu, Igor, puenting-eko edo zubi-saltoko monitorea zara. Jon agurea etorri zaizu gaur, berak ere salto egin nahi duela esanez.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2009-11-21 Gernika-Lumo Txapelketa [Bertsoa] / Igor Elortza, Jon Martin

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Elortza

Joanito ikusten zaitut
bastante potente
baina bihotzarentzat
hau joaten da fuerte.
Oraindik ere ez zaitez
jarri prest ta tente
lehenengo DYAkoei
deitu behar nieke. (bis)

J. Martin

Ba bai furgoneta bat
azkar etor bedi!
Guru jakintsuena
da Gaztelumendi
bere irakaspenenak
nahi nituzke segi:
behera ta behera joan
baina ez beheregi. (bis)

I. Elortza

Hori entzunda zeinek
ez egin eztula?
Uste dut egin gura
didazula burla:
diozu beherakoa
atsegin zaizula
baina nik uste gora
joan nahi duzula. (bis)

J. Martin

Kontua da haustea
pixka bat oreka
sensazio berriak
sortzea tarteka
gora joan behar badut
joan arin iepa
azkenaldian ez zait
ezer joaten-eta!(bis)

I. Elortza

Egoera hau nahi dut
apur bat zuzendu
ta nire kontzientzia
lasai lez mantendu
ez dizut utziko ta
arnes hori kendu
baina sokasaltoan
egin dezakegu. (bis)

J. Martin

Arnasa ta arnesa
loturik askotan
berdin zait saltoka hasi
behar badugu sokan
prekauzioak hartzen
ditut holakotan:
kola asko jarri dut
hortza postizotan. (bis)