Bertsoak - Fitxa ikusi Atal honi buruz gehiago jakiteko
2009-11-29 Donostia Txapelketa [Bertsoa] / Maialen Lujanbio, Jon Maia
Bertsoa entzun |
2009-11-29 Donostia Txapelketa [Bertsoa] / Maialen Lujanbio, Jon Maia
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J. Maia
Putetxea beti da
eremu laiotza
ta zure presentzi hau
ez da hain arrotza.
Sekula ez nauzu ni
indarkeriz bortxa
baina galdera bat dut
eta ez da motza:
zer nahi dezu gorputza
edota bihotza?
M. Lujanbio
Bere bizimodua
latz joan dalako
zulo hontatik ez da
bela aterako!
Beraz galderatxo bat
daukat aukerako
gorputza hemen zegon
nahi nuenerako
ta nik bihotza nahi dut
egunerorako.
J. Maia
Ez ote degu bata
bestean zatia?
Beti etorri zera
guztiz lotsatia
baina jakin nahi nuke
zure aitzakia
sendo hartu behar det
nik erabakia
nik maitasuna nahi det
ta ez errukia.
M. Lujanbio
Nik ez dizut eskeintzen
erruki astuna
baizik uztea zure
ataka estuna.
Ia aukera zazu:
ezkerra, eskuma
uztai pare bat daukat
antzikan ez duna
hemen kondoia eta
hemen eraztuna.
J. Maia
Berriro jarri nauzu
nahiko kopetilun
burua gogorra det
ta bihotza bigun.
Aukera hoberikan
ez badago inun?
Ekarri eraztuna
ekar zazu lagun
eta kondoia gero
ibili dezagun.
M. Lujanbio
Hara! Nere ahalegina
ez da izan alperrik
inoiz ikustekoa
hain dama ederrik.
Ezin det izkutatu
nere irrifarrik
guazen hemendik ihes
ez egin marmarrik
lo goxo egingo degu
eta lo bakarrik.
Datu-base honetan eskainitako informazioari buruz jakiteko, kontsultatu lege oharra