BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (15. 2009)

Saioa

2009-12-13 Barakaldo Txapelketa 11:00

Gai-emailea

Rekondo, Alaitz

Bertsolariak / Egileak

Arzallus, Amets

Lana

Bakarka gaia-emanda kartzelako-lana

Jarritako gaia

Kazetaria zara. Badakizu idazten ari zaren artikulua azkena izango dela.

Deskribapena

Doinua

Atmosferatik atera eta

Neurria / Estrofaren izena

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2009-12-13 Barakaldo Txapelketa 11:00 [Bertsoa] / Amets Arzallus

Neurria:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Hamasei urte ta Egunkaria-n
hasi nintzen bekario
Martxelok hantxe jarri ninduen
beste baten gregario.
Gero Berria-n saiatu nintzen
lan onaren ondorio
gero Argia-n serio
besten hitzaren jario.
Berrogei urte pasatu ditut
berrogei kalendario
orain lumari tintaren partez
malko pila bat dario. (bis)

Reala igotzen ikusi nuen
ta ahaztu nituen penak
kontatu nitun lehen pausoak
herri palestinarrenak
nola hogei urte iraun zituen
Evo gizon indigenak
eta gure preso denak
zirela senideenak.
Notizi on asko idatzi ditu
nere kazetari senak
baina oraindik gehiago dira
idatzi gabe daudenak. (bis)

Hauxe dut nere azken eguna
askatu dut alkandora
luma malkoen atzetik joan da
paper fin zurian gora
eta gero prest maketarekin
hor daukat ordenadora.
Gaur egin behar dut froga
neure bizioa, droga...
idatz dezadan "Muga urtu da
Euskal Herria libro da".
Ez da egia baina egia
bihurtuko da gerora. (bis)