Bertsoak - Fitxa ikusi Atal honi buruz gehiago jakiteko
1985-05-19 Zarautz Jaialdia [Bertsoa] / Joxe Agirre, Imanol Lazkano, Joxe Lizaso
1985-05-19 Zarautz Jaialdia [Bertsoa] / Joxe Agirre, Imanol Lazkano, Joxe Lizaso
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Lizaso: Puntuetan hasteko
eman du ordena
Lazkano: eta jaulki beharko
barruan den dena
J. Agirre: eskeini nahi genduke
ahal degun onena
J. Lizaso: honekin amaituko da
Baserrin omena.
Lazkano: Izan ere hortara
gerade etorri
J. Agirre: ta eguna ez doa
oso parregarri
Lazkano: egun hobeagorik
ez litake jarri
Lazkano: txapeldunen txapeldun
baitegu Baserri.
J. Agirre: Hemen bildu gaitu gu
Baserri lagunak
J. Lizaso: gutxitan izaten dira
holako egunak
Lazkano: zorionez bagaude
maitatzen degunak
J. Agirre: denok maitaleak eta
denok euskaldunak.
J. Lizaso: Mahaiburuan hor dago
horri begiratu
Lazkano: hori txalotutzea
ez degu pekatu
J. Agirre: ispilutza bezela
behar degu hartu
J. Lizaso: gure relijioan
hoi da Aita Santu!
Lazkano: Beti izandu degu
hau maisu zintzoa
J. Agirre: egia esatekotan
gure gurasoa
J. Lizaso: bertsolaritza pixkat
horrek du jasoa
Lazkano: hori izan ez balitz
akabo bertsoa!
J. Agirre: Bertsoa buruan ta
berdin bihotzean
J. Lizaso: amets horixe egiten
baitzuan etxean
Lazkano: beti bertsoz aritu
zaigu otoitzean
J. Agirre: holako bat behar luke
herri bakoitzean!
J. Lizaso: Egiak esateko
ez gera kupida
Lazkano: horren tankerakoak
gaur gutxigi dira
J. Agirre: ilunpetik atera
ginuzen argira
J. Lizaso: Uztapide egongo da
zerutik begira.
Lazkano: Horren bide jatorra
nahi genduke segi
J. Agirre: baina ez da egingo
hori errezegi
J. Lizaso: egin dituen lanak
hemen daude garbi
Lazkano: famatzen ari gera
baina ez da gehiegi.
J. Agirre: Ez degu esango gaizki
portatu dezunik
J. Lizaso: guretzako ez da izan
holako lagunik!
Lazkano: Hargatik ezin uka
gure maitasunik
J. Agirre: bertsolaririk ez da
zorrik ez dizunik.
J. Lizaso: Uztapide begira
Lizasok esan du
Lazkano: hura txalotzeko ere
ez degu berandu
J. Agirre: orain dala bi urte
Jangoikoak kendu
J. Lizaso: zenbat estimauko zenduke
alboan bazendu!
Lazkano: Nolabait ere jaunak
bada zeregina
J. Agirre: denok saia behar deu
hemen ahalegina
J. Lizaso: ondo eramanikan
Basarrin dotrina
Lazkano: lorez jantzi diteke
triste dan jardina.
J. Agirre: Zuek maite dezute
eta maite dut nik
J. Lizaso: hori maitatua ez det
bihotzean minik
Lazkano: hargatik ezin uka
gure aitormenik
J. Agirre: ez zazula uste inoiz
ahaztuko geanik!
J. Lizaso: Azaldu degu hemen
hamaika iritzi!
Lazkano: Ahaleginak esan ta
hala ere gutxi!
J. Agirre: Sasitan zegoena
lorez zendun jantzi
J. Lizaso: eskerrak Basarriri
eskerrak Zarautzi!
Datu-base honetan eskainitako informazioari buruz jakiteko, kontsultatu lege oharra