Bertsoak - Fitxa ikusi Atal honi buruz gehiago jakiteko
2003-11-30 Tolosa Txapelketa [Bertsoa] / Jon Maia, Jon Martin
2003-11-30 Tolosa Txapelketa [Bertsoa] / Jon Maia, Jon Martin
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Maia:
Nere buruak ilusioa
oraindik fresko darabil
oraindik ere bihotz barruan
bizipozak daude pil-pil
igandetako pasioetan
ez det nahi ibili zurbil
adin honetan bi bide daude:
zaharberritu ala hil.
J. Martin:
Lotsatzen gaitu garenak baina
harrotutzen lehen ginanak
oroitzapenik politten hoiek
dakarzkigu iraganak
alper-alperrik gastatzen ditu
banketxeko diru danak
jantzi berriak alperrik ditu
pertxa zaharra daukanak.
J. Maia:
Polita izan da aizu Joxepa
pertxa zaharraren broma
baina nik badet sentimentu bat
alaitasun bat sakona:
kalean zehar sentitu ohi det
lau urteko zoriona
inork ondotik esaten badit
"Ze guapa zaude amona!".
J. Martin:
Paseatzera irteten dira
Mari Pili ta Joxepa
zu ahal dela erakutsiaz
eta ni, berriz, gordeta.
Alperrik zaude arropa hoiekin
harrotasunez beteta
gaztetasunak eskotetikan
alde egin zizun eta.
J. Maia:
Bizipozikan ez duzu bat'e
hoiek bai uste okerrak
oraindik ere depilatuta
izaten ditut izterrak
gizon galaiez beterik dauzkat
nere inguruko bazterrak
eta berriro ezkonduko naiz
eskoteari eskerrak.
J. Martin:
Onartu zazu behingoagatik
zahartu egin zarela
fruitu onenak eman dituen
arbol xahar bat bezela
ez zazu ukatu zu gezurretan
ariko zara bestela
gure trajerik aproposena
egurrezko kutxa dela.
Datu-base honetan eskainitako informazioari buruz jakiteko, kontsultatu lege oharra