2004-08-01 Altzo Jaialdia [Bertsoa] / Andoni Egaña

Andonirentzat gaia pentsatzean bi ideia ibili ditugu buruan. Biak ematea erabaki dugu, eta berak egin dezala gero nahi duena. Bi ideiak euskal abesti ezagunetan oinarritzen dira. Hil berri den Imanol kantariaren Mendian gora haritza abestiak honela dio pasarte batean: "Ni hiltzen naizen gauen behintzat / eizue lo lasai". Abesti herrikoi batek, aldiz, honela dio: " Begiak parrez parrez, bihotza negarrez".

Deskribapena

Doinua

Sorlekua utziz geroz

Neurria / Estrofaren izena

Neurri berezikoak

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2004-08-01 Altzo Jaialdia [Bertsoa] / Andoni Egaña

Neurria: Neurri berezikoak
Kokapena: XDZ - Xenpelar Dokumentazio Zentroa

Lehenengo esaldi hori
ze gozo ta zer atsegin!
Bat joaten bada munduak
segitu dezake berdin
baina gaur egun Euskal Herrian
degun egoerarekin
Imanol joan zen gauean ere
lo lasai ez gendun egin.

Lasaitasuna, patxada
litzake gure problema;
herri honetan norbaitek
hartu behar luke lema.
Lo lasai nola egingo degu
arazo badegu dena?
Imanol berak hartu dezala
betirako atsedena.

Heriotza zer ote den
pixkat pentsatzen hasita:
ustegabe ipintzen du
bai ordua ta bai zita.
Egunen baten egingo balit
ustegabeko bisita
negarra nik neuk eraman nahi det
hemen irria utzita.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko