BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (10. 1989)

Saioa

1989-12-17 Donostia Txapelketa 11:30

Gai-emailea

Mandaluniz, Bernardo

Bertsolariak / Egileak

Mendizabal, Mikel

Lana

Bakarka gaia-emanda

Jarritako gaia

Zakurkume bat zaitugu. Zortzi zakurkume egin ditu zure amak, zu tarteko. Nagusiak bizirik bat bakarra uzteko asmoak ditu...

Deskribapena

Doinua

Prantxisku zer dakarrek

Neurria / Estrofaren izena

Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1989-12-17 Donostia Txapelketa 11:30 [Bertsoa] / Mikel Mendizabal

Neurria:  Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip) 
Kokapena:  XDZ - Xenpelar Dokumentazio Zentroa 

---

Txakurkumetxo bat naiz
falta dut indarra,
eta nere bizitza
doa azkarra,
jakin dan albistea
ez bait da edarra,
ume txikiontzako
da gogor samarra,
hau da zoritxarra,
hau gure negarra,
bizirik bakarra,
zortziretatik zazpi
buka beharra. (bis)

Txakurkumeok gaude
triste eta umil,
gure barru gaixoa
ez dago trankil,
bizitzeko sortu da
hainbeste maratil,
nagusia adizu
ez bait nago isil,
eskea badabil,
guregandik hurbil,
bihotza da pil-pil,
saldu gaitzazu baina
ez gaitzazu hil. (bis)

Zure jokabidea
hain da nabarmena,
ez al da, ba, tristura
honek duena?
Ez zazu hola estutu
zerorren barrena,
saltzea izango da
irtenbide dena,
biderik onena,
hemen dagoena,
hori da denena
edo izango dezu
betiko pena. (bis)