Bertsoak - Fitxa ikusi Atal honi buruz gehiago jakiteko
2003-11-30 Tolosa Txapelketa [Bertsoa] / Jon Martin
2003-11-30 Tolosa Txapelketa [Bertsoa] / Jon Martin
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Auto batean sartu ginen gu
bromaka eta barrezka
ustekabean pareta batek
eten digu gure festa.
Bizitza daukat eskapo eta
barruan badaukat kezka
odol litroak behar nituzke
nondik lortu, nori eska?
Soluzio bat badago baina
oso logikoa ez da
heriotzera abiatzea
heriotzari iheska.
Kordea galtzen ere hasi naiz
aurrerantzean akabo
poltsa bateko odola balitz
nahiz nukeen askoz nahiago.
Lagun bat daukat aldamenean
prest zegoena lehenago
baina horrela murgilduko naiz
gaixotasunan esklabo
pozoindutako odola da hau
eta zalantzatan nago
atzera egin nahi nuke baina
beste biderik ez dago.
Beste aukerik ez dagoenez
egin beharko dut aproba
nahiz eta jakin ondoren trabek
egingo dutela gora
odol litro bat barneratzea
izan liteke mejora.
Horretarako nere lagunik
onena etorriko da
ta gaur bizirik irteten banaiz
kontentu edo gustora
nahiz gaurko bizi hau heriotza
bihurtuko den gerora.
Datu-base honetan eskainitako informazioari buruz jakiteko, kontsultatu lege oharra