1993-12-19 Donostia Txapelketa 11:30 [Bertsoa] / Andoni Egaña, Jon Enbeita

Andoni, senarra; eta Jon Enbeita emaztea. Biok zarete fededunak. Zuen semetxo bakarra, gaisotasun baten ondoren hil da. Amari, ezbehar honi aurre egiteko, fedeak ematen dio indarra. Aitak, orain bere zalantzak ditu.

Deskribapena

Doinua

Aresoarren bandera

Neurria / Estrofaren izena

KOPLEN MULTZOA

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

1993-12-19 Donostia Txapelketa 11:30 [Bertsoa] / Andoni Egaña, Jon Enbeita

Neurria: KOPLEN MULTZOA
Kokapena: XDZ - Xenpelar Dokumentazio Zentroa

Egaña:
Bizitzaren merkatua...
Nago neka-nekatua.
Ez zen haundia, inola ere,
haurran pekatua.
Zein puta degun patua:
gure ume sagratua...
Lotan al zeunden, ene Jaungoiko
madarikatua? (bis)

J.Enbeita:
Ez zaite izan ergela,
trantzea da hain goibela:
portutik irten orduko ito
haurraren batela!
Badakit bizirik dela,
fedeak dion bezela,
buruarekin egingo nuke
senarra bestela.
(nere buruaz egingo nuke
senarra bestela.)

Egaña:
Egutera da laiotza,
bizkarrean dut aihotza,
horrexegatik mila zatitan
hausi zait bihotza.
Umea dugu hilotza;
laister Jesusen Jaiotza,
halare horrek ez du estaltzen
haurran heriotza. (bis)

J.Enbeita:
Bihotza dut irakiten
ta erraiak eragiten,
gertatu arte, zein beltza dugun
ez baita jakiten.
Bizirik dago nonbaiten,
guri laguntza ematen;
zeren lurrean usteltzeak ez du
grazirik egiten. (bis)

Egaña:
Sinismentsu dago ama,
haurra lurpean etzana;
nola arraio kendu digute
hain haurtxo otsana?
Hossana eta hossana,
hainbat alditan esana!
Damu bat daukat: garai batean
fededun izana. (bis)

J. Enbeita:
Hau da daukagun gudua:
fedearen helburua.
Ezberdina da, ene senarra
dugun aburua.
Ez zazu nahastu burua,
hain da zikina mundua.
Haurtxo polit bat lehen bagenuen,
orain aingerua. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko