BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (12. 1997)

Saioa

1997-10-25 Ondarroa Txapelketa

Gai-emailea

Mandaluniz, Bernardo

Bertsolariak / Egileak

Elortza, Jose Ramon

Lana

Bakarka gaia-emanda kartzelako-lana

Jarritako gaia

Hainbat jira-bira eman zenuten elkarrekin, beti itsasoa tarteko. Orain dela gutxi, itsasoak berak eraman dizu zure lagunik onena.

Deskribapena

Doinua

Bizia ez da nehoiz egoiten

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1997-10-25 Ondarroa Txapelketa [Bertsoa] / Jose Ramon Elortza

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Zeinen tristeak diran oraingo
nere mezuaren hitzak!
Hamaika aldiz esan genuen
"gu arriskuan gabiltzak!";
oso gutxitan barkatzen digu
gure itsaso bortitzak.
Zer egingo da, gizonarentzat
dauzkagu halako gaitzak!
bizitza hontan destinoren bat
nola daukagun bakoitzak. (bis)

Guk itsasoko lanbide hori
urte askotan nagusi,
eta gainditu izan ditugu
ez dakit zenbat erauntsi!
Zeinen polita bere kolore
berde, urdin eta guzi!
Bainan gaurkoan ezin dezaket
nik begi onez ikusi;
horren polita izanik nola
portatu da hain itsusi? (bis)

Itsaso hortan pasa ditugu
majina bat abentura,
baina esaerak dion bezela
"gerritikan behera ura".
Ez zenduen zuk hala uste ta
heriotza hor eskura,
baina itsaso hori gorrotoz
ez det hartzen, ez apura;
nola gorrota ote dezaket
zuk maite zenduen hura? (bis)