BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-12-19 Donostia Txapelketa 11:30

Gai-emailea

Azkune, Laxaro

Bertsolariak / Egileak

Lizaso, Sebastian

Lana

Bakarka gaia-emanda

Jarritako gaia

Haur txiki bat duzue etxean. Gauero negar eta zalaparta ez dizue lorik egiten uzten. Lanera joateko jaikitzen zarenean, ordea, lo gozoan ikusten duzu.

Deskribapena

Doinua

Maitasuna da bizi izateko

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-12-19 Donostia Txapelketa 11:30 [Bertsoa] / Sebastian Lizaso

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Betidanikan nik nere loa
izanagatik arina,
ohe zurian hartu ohi nuen
neke guztien ordaina.
Garai batetik gauzak ederki
aldatuak alajaina:
lorikan egin ezina,
horrek ematen dit mina. (bis)
Haurtxo txikiak gau guztian du
negar egiteko grina.
Ustez umea ekarri, eta
adar jotzeko makina. (bis)

Hilabete bat daramat hola;
noski, neuretzat galera:
lo egin gabe maldizioka
goizean goizik kalera.
Martxa honetan etekinikan
ezin nezake atera,
eta egin dut aukera,
nahiz ta gutxigorabehera. (bis)
Haurtxo txikia, aitortzen dizut,
nere kuttuna zu zera;
bainan joan zaite beste gelara
amatxorekin batera. (bis)

Zure negarrak molestatzen nau,
ez dago esan beharrik;
egun guztian gero nork kendu
"malaletxea"ren harrik,
ta zu ondoan zaudela ez dut
lo egiteko indarrik;
ez zaidazu jo adarrik!
Esatea ere alperrik! (bis)
Gelaz aldatu aste egunez,
horrek ez dakar okerrik;
zure ondoan lo egingo dut
asteburutan bakarrik. (bis)