BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-10-21 Irun Txapelketa

Gai-emailea

Elizasu, Unai

Bertsolariak / Egileak

Alberdi, Uxue

Lana

Bakarka gaia-emanda kartzelako-lana

Jarritako gaia

Banekien hartutako erabakiak eragina izango zuela berarengan. Baina ezin nuen gehiago.

Deskribapena

Doinua

Arratsalde on eta muxu bat

Neurria / Estrofaren izena

Hamabiko handia (hg) / Sei puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-10-21 Irun Txapelketa [Bertsoa] / Uxue Alberdi

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Orain artean zure ondoan
nahiz ta hartu dudan babes
harreman denek izaten dute
ez dakigun hainbeste ertz;
ta azkenaldian gure artekoa
ikusten nuen horren beltz;
jada ezin nuen ohe berean
ta zurekin egin amets.
Ta horregatik erabaki bat
hartu dut ta ez zen errez;
orain lagunak izan gaitezke
bestela igual ezer ez. (bis)

Unibertsala da egia esan
gertatu zaigun kasoa.
Beraz ez dut nahi drama bihurtu
litekeena arazoa;
nahiz orain arte horren goxoa
izan den zure altzoa
askatasunez eman nahi ditut
bizitza eta pausoa.
Nahiz bikotea sarri izaten den
egitura erosoa
bi eskas baino nahiago izan
bakar bat baina osoa. (bis)

Zu horren zara mutil jatorra
hain zara mutil kabala
ta gezurretan ari banaiz ni
lurrak irentsi nazala!
Baina erabaki bat hartu dut ta
ez da izango hutsala;
orain mundu bat daukat aurretik
ederra bezain zabala.
Sinets ezazu nahiz une hontan
zaila den zuretzat hala
igual lehen baino gehiago ere
maitatu zaitzakedala. (bis)