Bertsoak - Fitxa ikusi   Atal honi buruz gehiago jakiteko

2009-06-19 Mutriku Berezia [Bertsoa] / Ainhoa Agirreazaldegi

Bertsoa entzun  

Informazio orokorra

Kategoria
Bat-batekoa
Saioa
2009-06-19 Mutriku Berezia
Gai-emailea
Aizpuru, Egoitz
Eizagirre, Estitxu
Bertsolariak / Egileak
Agirreazaldegi, Ainhoa
Lana
Bakarka gaia-emanda
Jarritako gaia
Zakarretatik atera dut paper bola hau. Harremanek askotan zakarretan amaitzen dute. Familian, koadrilan, bertso-giroan? dauzkagun harremanek hainbatetan, zaindu ez direlako, zakarretan amaitu ohi dute. Zer galdu den, zer egin den gaizki? berandu konturatu ohi gara. "Zaindu maite duzun hori" jartzen du esku artean duzun paperean.

Deskribapena

Doinua
Mundu honetan holako gauzak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2009-06-19 Mutriku Berezia [Bertsoa] / Ainhoa Agirreazaldegi

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Hau idazteko txoko batean
goiz batez nintzen eseri
ta itsu xamar jarri nituen
nere barruko bi begi:
"Zeri jarraika zabiltz Ainhoa?
Noiz? Nola? Zergatik? Zeri?
Askorik maite ez zintuztenei
batzutan diezu segi".
Neure burua maite dut baina
beti ez dut zaintzen gehiegi.

Behin bikote bat aurkitu eta
haseran xamurtasuna
gero problemak etortzen ziren
ta beti urruntasuna.
Beti gehiago nahi izatean
hortxe zegoen jarduna.
Ta galdetzen dut "Zer da benetan
norbaitentzat maitasuna?
Haiek zirena maite al zenitun
edo haietaz nahi zenduna?".

Nire akatsak haien akatsak
ez lur edota ez zeru.
Hogeita hamar urte hauetan
makinatxo bat ernegu!
Ez etxean ta ezta eskolan
ez nuen izan eredu.
Baina oraindik ere Ainhoa
denboraz ondo gaude gu
paper zaharrak erreziklatzen
ikasi beharko degu.

Datu-base honetan eskainitako informazioari buruz jakiteko, kontsultatu lege oharra