Biografiak - Fitxa ikusi   Atal honi buruz gehiago jakiteko

Mikel Lersundi

Datu pertsonalak

Izena
Lersundi, Mikel
Izen abizen osoak
Lersundi Ayestaran, Mikel
Jaiotza
1971 Errenteria + Errenteria < Oarsoaldea < Gipuzkoa < Euskal Herria

Bertsolaritzan

Jarduera mota nagusia
Epailea
Jarduerak
Gai-jartzailea

Datu biografikoak

Biografia
Aita bertsozale amorratua zuen eta bertsolaritzarekin izan zituen lehen harremanak hari esker izan ziren. Lehen harreman horien ondoren bere kabuz landu zuen bertsolaritza eta gaur egun Errenteriako Xenpelar Bertso Eskolan dabil. Euskal Filologia ikasketak egin ondoren, Hizkuntzalaritzan doktore da.

Hizkuntzalaritza Konputazionalean aditua eta 1998 urtetik Hizkuntzaren Prozesamenduan lan egiten duen IXA Taldeko kide da. Egun, Euskal Hizkuntza eta Komunikazioa saileko irakaslea da UPV/EHUn, Medikuntza eta Erizaintza Fakultatean. Hurbilen dituen alorrak hauek dira: Semantika, Terminologia, Itzulpen Automatikoa eta Corpusgintza.

Oholtzan gai-jartzaile gisa hasi zen eta egun epaile lanetan ere aritzen da. 2010az geroztik Gipuzkoako Epaile Taldeko kide da. Epaile taldeko kide izan da 2011ko eta 2015eko Gipuzkoako Txapelketetan eta 2013ko Txapelketa Nagusian. Horrez gain, hainbat sariketatan hartu du parte epaile gisa: Xenpelar, Lizardi, Orixe, Eskolartekoak, Mikel Laboa, eta abar.

Bertsolaritzan lehen pausuak

Lehen plaza
Gai jartzen, Xenpelar saria 1994.

Txapelketak, sariketak eta lehiaketak

Eguneratutako informazioa "Txapelketak" pestainan aurkituko duzu.

Bat-bateko sariketak
Xenpelar saria 1994: gai jartzen
Xenpelar saria 1996: gai jartzen
Xenpelar saria 1998: gai jartzen
Xenpelar saria 2000: gai jartzen

Azken urteetako sariketa eta lehiaketen berri dagokien pestainetan aurkituko duzu.

Argitalpenak

Argitaratutako liburuak
"Jautarkolen sorta mardula". Elixabete Perez eta Mikel Ugalderekin batera buru izan zen
"Pasaiako hizkera". J.L Agirretxe eta Ortzuri Olaetxearekin batera