Arabako Kuadrilla Arteko Bertso Txapelketa (2. 2012)

Oinarriak: NOLA OSATU DIRA IDATZIZKO TALDEAK?
Taldeak Arabako Kuadrilla edo herri bereko jendez
osatu dira.

Lau lagunez gutxienez osatu dira. 2012ko Arabako
kuadrilla arteko bat-bateko txapelketan kantatzen ez duen jendearekin (15 urtetik gorakoak)
Weberako aurkezpena: Nola aurkez dezakegu Arabako Bertsozale Elkartearen azken proposamena? Zenbakiz, ala senez? Buruz, ala bihotzez?

1. Zenbakiz eta buruz
2010ean egin genuen estreinua, eta 2 urtean behin antolatzeko konpromisoa hartu. 2012rako, horra aldaketak: 9 taldetik 12ra pasa gara, 42 bertsolaritik 54ra, 12 epailetik 16ra, 9 gai-jartzailetik 12ra.
Txapelketa ez da finkatu bakarrik egin. Hazi egin da, gora egin du, aparra bezala. Apustua izan zen lehenengoa; bigarrena ez da apustuaren fruitua jasotzea, beste apustu berri bat baizik. Zergatik ez?

2. Senez eta bihotzez
Lilura eragin zigun, egia esan, 2010eko txapelketak. Zapore ederra utzi zigun txapelketa osoan zehar bizi izan zen giroak, finalean antolatu genuen festak, eta parte hartu zuten taldeek erakutsitako prestutasunak (bai bat-bateko txapelketan, eta baita bertso sorta kolektiboen txapelketan ere). Bihotza bero bukatu genuen…
Baina ez da lilura bakarrik: bertsolaritzari beste ikuspegi batetik begiratzeko aukera eman zigun 2010ekoak, dudarik gabe. Senak agindu zigun horixe zela behar zena, behar genuena… eta behar horri emandako erantzuna berrestera dator 2012koa ere.

Zenbakiz, senez, buruz eta bihotzez… bagatoz!

Arabako Kuadrilla Arteko Bertso Txapelketa (2. 2012) Zuiako liga
Arabako Kuadrilla Arteko Bertso Txapelketa (2. 2012) Lautada-Arabako Errioxako liga
Arabako Kuadrilla Arteko Bertso Txapelketa (2. 2012) Gasteizko liga
Arabako Kuadrilla Arteko Bertso Txapelketa (2. 2012) Gasteiz-Aiaraldeko liga
Arabako Kuadrilla Arteko Bertso Txapelketa (2. 2012) Finalerdiak
Arabako Kuadrilla Arteko Bertso Txapelketa (2. 2012) Finala
Arabako Bertso Sorta Kolektiboen Lehiaketa (2. 2012)

Performances

2012-02-03 Gasteiz Txapelketa