Bertsos - View details To know more about this section
2013-10-12 Hendaia Txapelketa [Bertsoa] / Amaia Agirre
| Bertsoa entzun |
2013-10-12 Hendaia Txapelketa [Bertsoa] / Amaia Agirre
Stanza name:
Hamabiko handia (hg) / Sei puntuko handia (ip)
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
Gure kaxa ezin haurrik ekarri
bi emakume izaki
ta intseminatze prozesua da
gure ezinen estalki.
Ta haurdunaldi multiple batek
digu pakea ebaki
bost fetu, bost bizi zati
bihurtu nahian gizaki.
Bostekin ezin ta hiru kentzea
nahiz ta biok erabaki
hemendik inoiz pasa ez danak
ze gogorra dan ez daki! (bis)
Batzuk esango dute “Amaia
nolako neska ausarta!”.
Ama izan nahi det baina ondoan
gizonezkoak lagata.
Bai haurdun gaude hau egia da
zeinen amets on, aparta!
Lasai atera pankarta
jaso eskuak goraka
baina etxean arazo bat det
eta ezin det aguanta
ametsa bete baina aita ta
aman oniritzia falta. (*)(bis)
Ardo txarretik eman ondoren
ozpin diren mila trago
badet koadrilan babesa eta
bikotea det abaro.
Baina aita-amak gertu banitu
hori nukeen nahiago
lur jota ez nago zeharo
amagai naiz ta akabo!
Begirunerik ez daukat baina
borrokatzeko prest nago
gugan bi bihotz ikus ditzaten
bi alu baino lehenago. (bis)
*Haurra badaukat baina aita ta aman oniritzia falta esan zuen bukaera errepikatzean.