2013-11-23 Elizondo Txapelketa [Bertsoa] / Beñat Gaztelumendi, Unai Iturriaga

Aitatxi-amatxiak zarete. Zu, Beñat, amatxi, zuen biloba ahalik eta hobekien hezten saiatzen zara. Unai aitatxik, berriz, nahi duen guztia egiten uzten dio.

Description

Melody

Lagundurikan danoi I

Stanza name

Hamarreko txikia (hg) / Bost puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

Publication details

Argitalpenaren izenburua

[Liburua]

2013-11-23 Elizondo Txapelketa [Bertsoa] / Beñat Gaztelumendi, Unai Iturriaga

Stanza name: Hamarreko txikia (hg) / Bost puntuko txikia (ip) Argitalpenaren izenburua: [Liburua]
Localization: XDZ - Xenpelar Dokumentazio Zentroa

B. Gaztelumendi:
Zuk daukazu merienda
ta eskupekoa
ni inoiz ez naiz izan
deus ematekoa.
Nahiz ta igual onena
izan tartekoa
eman nahi diezula
jartzen det lepoa
zure seme-alabei
eman gabekoa.

U. Iturriaga:
Noski horrela dela
tarteka-tarteka
hargatik du ilobak
saskia beteta:
orain patata batzuk
ondoren krispeta...
Normala da finean
bere heziketa
aitaren ta amaren
ardura da eta.

B. Gaztelumendi:
Sarri ardura guri
pasatzen digute
ta zu babesa salduz
hezkuntzaren truke.
Ahal dala mimopean
zaindu nahi zenuke
baina eman hamabost
edo hogei urte
ta parean bizitza
topatuko dute.

U. Iturriaga:
Orduan baina ez naiz
ni hemen seguru
guretzat ere hau ez da
betirako mundu.
Zama zeure gain hartu
hoixe duzu helburu
bizitza izango dute
noski buruz buru
beste guztiok ere
hala izan dugu.

B. Gaztelumendi:
Dena dute jolasen
mailara jetsia
ta guraso parea
hor dago etsia.
Behar da genioa
ta pazientzia
gure gogortasun ta
esperientzia
hori da nik utzi nahi
dedan herentzia.

U. Iturriaga:
Hargatik ez diezu
uzten hura jaten
“Hori arriskutsua”
ta hurrengoa ken...
Zu zertan ari zara
zamak eramaten?
Saiatu ni bezela
nahi dutena ematen
gerora maitasunez
oroitu zaitzaten.

BDB Bertsolaritzaren datu-basea

Bertsos - View details To know more about this section