Bertsos - View details To know more about this section
2005-09-13 Bermeo Jaialdia [Bertsoa] / Amets Arzallus
| Bertsoa entzun |
2005-09-13 Bermeo Jaialdia [Bertsoa] / Amets Arzallus
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Azti ibili! Hitza badator
hori omen da egia
ta Bermeoko berri idazteko
prest dago kazetaria.
Eguneroko prentsak honera
azaldu du aurpegia
baina bakarrik ibiltzeko da
Hitza gauz txikiegia;
zuek erantsi lehenik eskua
eta ondoren begia. (bis)
Udaletxean multa jartzea
bihurtu omen da lege;
eraikin zahar bat egin dutela
kai ertzean xehe-xehe;
Urdaibai ongi ibili dela
guztiontzako mesede.
Notizia euskaraz irakurtzea
zein ederra alafede!
Eta tarteka eman ditzala
notizi on batzuk ere! (bis)
Tolosaldean bakar-bakarrik
hasi omen zen bere kasa;
gero Oarson, Lea-Artibain
egin omen du solasa;
ta orain berriz Bermeo aldean
hartu behar du arnasa.
Baina norbere mende izatea
hitza ez al da eskasa?
Har ezazue zuekin eta
beste herrietara pasa! (bis)