Bertsos - View details To know more about this section
2007-10-06 Iurreta Jaialdia [Bertsoa] / Amets Arzallus, Jon Maia
2007-10-06 Iurreta Jaialdia [Bertsoa] / Amets Arzallus, Jon Maia
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
J. Maia: Urte askoan artzaintza lanez
joanak Amerikara
berriro ere itzuli gera
gure herriko plazara
baina kontua ikusten degu
garai bateko gisara:
Franco hil zela esan ziguten
baina sinisten zaila da.
A. Arzallus: Gu frankismoan aspaldi ginen
geure herritik aldendu
nahiz maiz pentsatu "gure bizitza
bertan segitu bagendu?"
Ai ene zenbat atxiloketa
ta zenbat enfrentamendu
itzultze hutsak geroago ta
beldur gehio ematen du.
J. Maia: Egia da bai beldurra sartzen
zaigula erraietatik
ilusiotan etorri nintzen
berriz Ameriketatik.
Errepidetan Guardia Zibilak
kolpeak hemen ta hortik
lehen neregatik beldurtzen nintzen
ta orain bilobengatik.
A. Arzallus: Nahiz eta denak pasa ditugun
Amerikako mendiak
honaino ere iristen dira
hango notizi erdiak
eta oraindik balio digu
Txirritaren esaldiak:
artzai gaiztoak dauden lekuan
pagatutzen du ardiak.
J. Maia: Urrundikan amesten genuen
justizia ta pakea
esperantzara prestaturikan
genekarren aldartea...
Baina begira zer gertatu dan
destinuaren katea
gure etxeko larre berdean
ardi beltzak izatea.
A. Arzallus: Askatasuna amesten gendun
halako egunen baten
ta noiz datorren Amerikatik
zaila dago antzematen;
ez da errexa pentsatu eta
pentsautakoa esaten
baina segitu ardi beltzaren
artaldekoa izaten.