Bertsos - View details To know more about this section
2009-03-19 Igorre Jaialdia [Bertsoa] / Andoni Egaña, Jon Maia
2009-03-19 Igorre Jaialdia [Bertsoa] / Andoni Egaña, Jon Maia
Stanza name:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localization:
XDZ - Xenpelar Dokumentazio Zentroa
J.Maia:
Azken agurra dirudi
aurrean jendetza itzela
atmosfera kargatua
BECen bageunde bezela
kontentu ta irripartsu
esaterako honela
baina han nun ikusten den
atzetik bat datorrela.
A.Egaña:
Ni naiz bere amesgaizto
gaiztoa eta krudela
Jon Maiari zorionik
ez diona opa bela.
Jon ez zak kanta holatsu
kantatu ezak bestela
Igorrek jantzi behar dik
Euskal Herriko txapela.
J.Maia:
Orain hondartza batean
Karibekoen neurriko
palmera azpiko grisa
beti izan dut begiko.
Neska batengana noa
sendo ta pauso haundiko
eta atzean tipo bat
"Kendu paretik txikito!".
A.Egaña:
Neskarentzat ez haiz ezer
eta mutilantzat mito
Jon hobe dek suizidatu
Karibeko uretan ito
neskak aldegin egin dik
ez haiz negarrez hasiko
baina bizitza honetan
ez duk gehiago ikusiko.
J.Maia:
Egun luze bat izan da.
Ene ze atarramendu!
Banoa etxera bidean
burua ezin mantendu.
Nere Zumaia maitea
pausoa azkar zuzendu
han nengola uste nuen
kartelan Zarautz jartzen du.
A.Egaña:
Ta frenadaz pasa gera
hori burutik nork kendu?
Jon Maia behar zenuke
horrenbeste pulamendu
zentzuna eta kordea
pertsona denen zimendu
baina ez zinake Jon Maia
horietatikan bazendu.
J.Maia:
Athleticaren finala
ta hau da Mestalla bera
atzean bederatzia
eta soinean bandera.
Korner bat atera dute
banoa rematatzera
ta defentsa burusoil bat
han nun sartu dan tartera!
A.Egaña:
Buruzko errematea
dirigitu du postera.
Baloiak zutoina jo du
barrura doa ostera.
Jadanik "Gol! Gol! Gol!" berbak
entzun ditzake. Ospera!
Despertadoreak jo du
ta esnatu egin zera.