Bertsos - View details To know more about this section
2010-03-19 Igorre Jaialdia [Bertsoa] / Onintza Enbeita, Unai Iturriaga
| Bertsoa entzun |
2010-03-19 Igorre Jaialdia [Bertsoa] / Onintza Enbeita, Unai Iturriaga
Stanza name:
Lauko handia (hg) / Bi puntuko handia (ip)
Localization:
XDZ - Xenpelar Dokumentazio Zentroa
On. Enbeita:
Ene atzetik ibili ei zinen
ene Unaitsu parkatu!
Ez dakit zelan ez nintzen hortaz
sekula be konturatu.
U. Iturriaga:
Aramotzetik Garamendira
tximista baten antzean
ta oin bakarrik geratzen jate
erreturie atzean.
On. Enbeita:
Baina zu zelan ibilten zinen
ai Unai nere atzean!
Mosu askorik ezin da hartu
aurrean parau ezean.
U. Iturriaga:
Zu beranduko proposamenak
egiten zabiz gaur hemen
onartu egin behar dot Onintza
orduan itsu nengoen.
On. Enbeita:
Bueno baina igual gaur be berriro
biok itsutuko gara
saio ostean uste dot danak
doazela Hendaiara*.
U. Iturriaga:
Pasatakoak berreskuratu
guran zabiz Iturriaga
Aramotzetik Garamendira
joan ta bueltetan bazara.
On. Enbeita:
Bizitzak buelta asko emoten dauz
ta eskean neu azkenean
igual zeozer egin geinke gaur
sasoi zaharren izenean.
U. Iturriaga:
Sasoi zaharra da joan dalako
ezer ez da betikoa.
Belaunikatu ta kantaudazu
Maritxu iturrikoa.
On. Enbeita:
Ez hainbeste ez baina bai igual
niri dana parkatzeko
zikinkeri bat egingo deutsut
zure kana bakotxeko.
U. Iturriaga:
Proposamenak harrapatu nau
hori izan da zartada
kana bakotxa zikinkeri bat
kriston txarrikeria da.
On. Enbeita:
Leku berera joan nahi neban
baina nik metaforagaz
zeuk pe zeozer esan nahi zendun
belauniko jartzeagaz.
U. Iturriaga:
Metaforarik ez zegoan hor
ta ez saiatu alferrik
Onintza trenak pasetan dira
bizitzan baten bakarrik.
On. Enbeita:
Baina herri hau Unai sekula
ez danez izan ohikoa
beste trentxo bat omen jatorku
abiadura handikoa.
U. Iturriaga:
Gura dozuna da esperantza
berreskuratu barriro
niri gehiago gustatu izan jat
beti astiro-astiro.
On. Enbeita:
Bueno astiro hasiko gara
ta martxan-martxan pentsatu
eta azkenean egingo dozu
lehengo guztia gaur ahaztu.
U. Iturriaga:
Gurea hemen amaituko da
modu hontan azkenean
ilobei kontau behar deutsezu
amamatxo zarenean.
_________________
*Saioko beste lau bertsolariek Igorreko bertso saioaren ondoren egun horretan bertan beste saio bat zuten Hendaian.