BDB Bertsolaritzaren datu-basea

General information

Kategoria

Bat-batekoa

Performance

2000-05-07 Oiartzun Jaialdia

Conductor

Martiarena, Exteban

Bertsolaris / Authors

Agirre, Joxe

Martin, Jon

Exercise

Binaka gaia-emanda

Proposed topic

Gaur, egun handia da zuen familian: aitona Joxe bertsolariak ehun urte bete ditu. Familiak bazkari bat egin du, eta beste oparien artean iloba Jonek berea ekarri dio: bertsotan hasi zaio.

Description

Stanza name

Hamarreko txikia (hg) / Bost puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2000-05-07 Oiartzun Jaialdia [Bertsoa] / Joxe Agirre, Jon Martin

Stanza name:  Hamarreko txikia (hg) / Bost puntuko txikia (ip) 
Localization:  XDZ - Xenpelar Dokumentazio Zentroa 

---

Martin:
Bere masail aldean
duen haragia,
mugimendu polita
eta nabaria;
nere aitona degu
gaur bertsolaria,
izaeraz bezela
itxuraz handia;
bertsoz eman nahi dizut
nere oparia.

J. Agirre:
Matrailako leun hura
aspaldi det juna,
egun urtean hemen
dena laztasuna;
baina eskertu beharra
daukat osasuna
ta bi ilobagandik
dan etorkizuna;
erregaloik onena
zuk ein didazuna.

Martin:
Aitonari iritsi
zaio gaur eguna
eta nik bota diot
hain bertso biguna;
azala latz xamarra,
ahotsa leuna
ta bertsoarekiko
dudan maitasuna;
asko eskertzen dizut
eman didazuna.

J. Agirre:
Ezin dizut hitz egin
nahi bezelain ondo,
gizon buru argia
ni ez naiz egundo;
gaztea ikusten zaitut
indartsu ta sendo,
gaizki zabiltzanikan
nik ez dut esango;
pena det: luzaroan
ez dizut entzungo.

Martin:
Oparitu zenidan
zuk bertsolaritza
ta orain haren alde
darabilkit hitza;
jakin, gure jarduna
ez zaidala hitsa;
pozez beteko nuke
neronen bizitza,
zu zeran gizonaren
erdia banintza.

J. Agirre:
Orain hasi beharra
dezu bizitza-ta,
ez bildurtu, zu orain
ondo zabiltza-ta;
nik laiste utzi behar det
munduko martxa-ta,
baina badaukat zugan
gaur poz bat galanta:
ni juango naizela
ordezkoa lagata.