Bertsos - View details To know more about this section
2002-06-08 Legorreta Jaialdia [Bertsoa] / Aitor Mendiluze, Aitor Sarriegi
| Bertsoa entzun |
2002-06-08 Legorreta Jaialdia [Bertsoa] / Aitor Mendiluze, Aitor Sarriegi
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
Mendiluze:
Ni erabaki handi
baten atarian
pentsatutzera ohitu
nintzen aspaldian.
Horrela komeni da
diotsut egian
guztia garbi ikusten
delako agian
pentsatzen jarritako
bigarren aldian.
Sarriegi:
Inoiz ez zera ausartu
ezer probatzera
dena moldatzen dezu
logika hutsera;
oraintxe lanera ta
oraintxe etxera;
dagoeneko ez bazabiltz
beraien antzera
egunen baten robot
bihurtuko zera.
Mendiluze:
Ibiliko naizela
roboten antzeko
agian onena hori
zuzen jokatzeko.
Bihotzaren esana
ez da jarraitzeko
nahiz eta zailtasun bat
izan gozatzeko
modu segurua da
minik ez hartzeko.
Sarriegi:
Ez det onartzen zure
aholkularitza
nik beti jarraitzen det
bihotzaren hitza.
Mina hartuagatik
ez da hain bortitza;
nik hala pentsatzen det
garbi nahi det mintza:
arrisku gabekoa
ez dela bizitza.
Mendiluze:
Nahiz ta zure ustetan
izan erasoa
arriskua izan da
zeure arazoa.
Bihotzan alde dezu
zuk hitza jasoa
baina arriskuz beterik
bizitza osoa.
Ondo pentsatu behar da
hurrengo pausoa.
Sarriegi:
Nik denetik egin det
hemengo ta hango;
sentimentuak dauzkat
lehengo ta oraingo
eroalditan egin
baitet mila txango.
Zahartzen zeranean
ta bazaude ondo
zer oroiturik ere
ez dezu izango.
Mendiluze:
Nahiz eta zahartzera
eduki hainbat gaitz
hara nola iritsi
ikasi dut garaiz.
Zu sentipenen alde
hain umore alaiz
segi sentituz eta
negar eginez maiz
ni hizketaldi hontaz
gogoratuko naiz.
Sarriegi:
Neroni ere nago
seguru samarrik
bada erabakirik
onik eta txarrik.
Nik nereak ditut ta
ez besteen beharrik
ta jakin behar dezu
gazte edo zaharrik
bihotza ez dela gure
motorra bakarrik.