Bertsos - View details To know more about this section
2004-02-13 Hondarribia Lagun-artekoa [Bertsoa] / Andoni Egaña, Sebastian Lizaso
| Bertsoa entzun |
2004-02-13 Hondarribia Lagun-artekoa [Bertsoa] / Andoni Egaña, Sebastian Lizaso
Stanza name:
Lauko handia (hg) / Bi puntuko handia (ip)
Localization:
XDZ - Xenpelar Dokumentazio Zentroa
A. Egaña:
Sebastian jarri zaitez mesedez
harutza begira ia
neska berri bat azaldu da gaur
Paristikan etorria.
S. Lizaso:
Neska gazte bat horra Paristik
bere gogoan segidan...
gure garaian umeak ere
handikan etortzen ziran.
A. Egaña:
Paristik hona gu ekartzea
ez gendun izango mauka
zu ekarri zinun zigueñak behintzat
moko okerra baitauka.
S. Lizaso:
Ia sei kilo eta ni nintzan
zikoinarentzat kaltean;
amak esana: etorri nintzen
baina traktore batean.
A. Egaña:
Zigueña ia nekatu egin zen
nere uste apalean
ta azkenean ekarri zuten
transporte espezialean.
S. Lizaso:
Arrazoi dezu neuk ere banun
bai gauza horretan sena;
aitak esana izan behar du
transporte espezialena.
A. Egaña:
Zuk azkoitiarra izan behar zendun
nik uste zigueñak moduan
baina zikoinak nekatu eta
Azpeitin utzi zintuan.
S. Lizaso:
Nahiago nuen bai azkoitiarra
izan banintza bizitzan
azkoitiar gehienak bezelaxe
gustora biziko nintzan.
A. Egaña:
Igual Azkoitin utzi zintuan
zerbitzu bete-betian
ta Azpeitira iritsi zinan
hirugarrengo botian.
S. Lizaso:
Erdi bidean eta Loiolan
jatetxe ederrak daude
eta sekula ez naiz etortzen
Loiolan gelditu gabe.
A. Egaña:
Baina Loiolan erori balitz
a ze kolpea soinian
nola Sebastian eroriko zen
kupularen gain-gainian!
S. Lizaso:
Azpeitiraino iritsi nintzen
ez zan neretzat kaltera
patroia ere San Sebastian da
hortik kontuak atera.