Bertsos - View details   To know more about this section

1998-12-08 Markina-Xemein Jaialdia [Bertsoa] / Unai Iturriaga, Sebastian Lizaso

Bertsoa entzun  

General information

Kategoria
Bat-batekoa
Performance
1998-12-08 Markina-Xemein Jaialdia
Conductor
Lejardi, Jose Mari "Gabixola"
Bertsolaris / Authors
Iturriaga, Unai
Lizaso, Sebastian
Exercise
Binaka gaia-emanda
Proposed topic
Duela gutxi atxilotu egin dute Unai eta bost egun atxilotuta egon ondoren, aita etorri zaio bisitan kartzelara. Aita pozik joan da semea ikustera, baina semea atera zaionean lur jota geratu da.

Description

Melody
Mutil koxkor bat itsuaurreko
Stanza name
Zortziko handia (hg) / Lau puntuko handia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

1998-12-08 Markina-Xemein Jaialdia [Bertsoa] / Unai Iturriaga, Sebastian Lizaso

Stanza name:  Zortziko handia (hg) / Lau puntuko handia (ip) 
Localization:  XDZ - Xenpelar Dokumentazio Zentroa 


S.Lizaso:
Guk konfiantza bagenedukan
esan zen su-etenean;
dirudienez etenaldia
ez da lurralde denean;
atxilotuta zu eramana
Madrilera azkenean;
kolpaturikan ikusi zaitut
zelda baten barrenean;
irriak malko bihurtu zaizkit
ikusi zaitudanean. (bis)

Iturriaga:
Nahiz ta saiatu ta bete gura
seme onaren papela,
aita izan da kalabozoan
tortura baina itzela;
ez dakit ondo nun dudan mina,
burua edo sabela;
denetik entzun denetik jaso,
ez da izan tratu epela;
gatxa egiten jata sinisten
harek pertsonak zirela. (bis)

S.Lizaso:
Zu ikusita ezin du gorde
aitak begitan negarrik;
etzanda zaude zutitzeko ere
nunbait ez dezu indarrik!
Itxaropenak bagenituen,
dirudienez alperrik;
bi aldetatik batek nahiezta
ez da zuzentzen okerrik;
dirudienez su-etena da
alde batetik bakarrik. (bis)

Iturriaga:
Egia da bai ez da erreza
gaur sinisten holakorik;
nik neuk ez neban behintzat sinisten
baina bertan ikusirik,
han ez dago-ta gizabiderik,
han ez dago eskubiderik;
nahiz orain baju nagoen aita
ta nahiz nagoen tristerik,
gorputza ubelez beteta baina
burua oso-osorik. (bis)

S.Lizaso:
Nabarmen dago Mayor Orejak
ez dula zuzen jokatu;
bere mutilek hartu zaituzte
ta ez dizute barkatu;
ikusi eta hain dago garbi,
egin zaituzte kolpatu;
aita zaharraren kontseju hauxe
semea gogoan hartu:
kolpeak kolpe ideialikan
inoiz ez zazu ukatu. (bis)

Iturriaga:
Han egun latzak pasauta gero
hobeto nago ni hemen;
lagunak ere topatu dodaz
honaino heldu ondoren.
Honi eusteko aita badeuket
nahiko indar eta kemen;
desiotxo bat, hori badeukot,
bete dadila lehenbailehen:
Gabonetako etxetik gertu
ia eroaten gaituen! (bis)

S.Lizaso:
Askoren gisa ene semea
heldu zera amesera;
zuk egindako proposamena
izan liteke hasera;
gauzak konpontzen joan behar du
komeni zaigun klasera;
Gabonetako etxetik hurbil,
zer esaten ari zera?
Hurbiltze hori ez da nahikoa,
bakoitza bere etxera! (bis)

Iturriaga:
Gauzak aldatzen ei dabiz aita
antza Euskadi partean;
hemen zeozer igerri dogu
nahiz gagozan apartean.
Halan ta guzti hemen ondino
beti dabiz atakean
ta ez dot gehiegi sinesten aita
hor aipatzen dan bakean;
bakerik ez da egongo inoz
hemen gagozan artean. (bis)