Bertsos - View details To know more about this section
2011-02-26 Sara Lagun-artekoa [Bertsoa] / Anjel Mari Peñagarikano
| Bertsoa entzun |
2011-02-26 Sara Lagun-artekoa [Bertsoa] / Anjel Mari Peñagarikano
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
Gure gainetik dauden horiek
asko ez ditut miresten.
Zertan dabiltza egingo ez diren
proiektu haundiak aurkezten?
Lehen itsusi zegoen hura
gehiago ari da itsusten.
Ni ezkorra naiz etorkizuna
garbi ez baitut ikusten.
Nahi eta ere gure begiko
malkorik ezin legortu
berrogei urte gauza berean
eta ez da ezer lortu.
Hamaika aldiz esan dudana
berriro nahi dut aitortu:
ilunpe hontan nik nahi nukeen
eguzkirik ez da sortu.
Beste batzuen konpasetara
beti egiten da dantza.
Gure kasoan beti txarrera
okertu ohi da balantza.
Bakar batzuek Euskal Herria
hola nahio dute antza.
Lehen zaharrek esaten zuten
“Izan‘zagun esperantza”.