Bertsos - View details To know more about this section
2011-08-12 Aduna Jaialdia [Bertsoa] / Alaia Martin
Bertsoa entzun |
2011-08-12 Aduna Jaialdia [Bertsoa] / Alaia Martin
Stanza name:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Localization:
XDZ - Xenpelar Dokumentazio Zentroa
Gaurkoan berriz jaso dut
borrero hoien bisita
nahiz ustez egina nuen
mutil-lagunakin zita
biluztuarazi naute
nere aurrean jarrita
borra bat ta pistola bat
beldurrerako teknika.
Ahalegindu naiz pentsatzen
zerbait ederra, polita
baina ni dardarka nago
eta etsitzen hasita
zeldako ateak zabalik
eta begiak itxita. (bis)
Nahiz pertsona ohitu ohi den
arian eta arian
ze urduritasun dudan
esperantzaren harian
nire kalerako gogo
ta itxaropen nagian
holako bisitek hiltzen
ari naute aspaldian.
Malko bat daukat kafean
goizeroko gosarian
ta dardarka hasiko naiz
ta ez dut nahiko agian
mutil-lagunak laztantzen
nauen hurrengo aldian. (bis)