Bertsos - View details To know more about this section
2012-06-22 Orio Berezia [Bertsoa] / Andoni Egaña, Anjel Mari Peñagarikano, Julio Soto
| Bertsoa entzun |
2012-06-22 Orio Berezia [Bertsoa] / Andoni Egaña, Anjel Mari Peñagarikano, Julio Soto
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A.M. Peñagarikano
Salda bero-beroa
ta haragi puxkak
ta Juliok zioen
“Peña uztak uztak!”
ta behar zan garaian
ez euro ez dukat
Bankia baino ere
gutxiago daukak. (bis)
A. Egaña
Peña bertsotan dabil
bat eta besteko
eta kafea saltzen
soldatai eusteko
ez du askorik falta
ja aberasteko
baina ederra dago
trena erosteko! (bis)
J. Soto
Bat lau aldiz txapeldun
izar bat oraindik
bestea kafeakin
ta txapeldun lehendik
auskalo zenbat txeke
handik ta hemendik
paatuko nuke baino
lotsa ematen dit. (bis)
A.M. Peñagarikano
Guk genun egarria
guk genun gosia
ta urteko ardotik
guk sartu dosia
txorizo puska ederra
ta haragi egosia
egosia beharko zun
ez zuk erosia! (bis)
A. Egaña
Eta orain Julio
nahi det enredatu
gure legea zer den
ez da enteratu
bertsolari ohiturarik
ez zaio peatu:
zaharrenak txofer egin
gazteenak pagatu. (bis)
J. Soto
Majo gosaldu dugu
pixka’t itxaronda
Naparroan bageunde
Naparroa on da
nik pagatuko nuke
ta lasai egon ba
gaur ez du itxurarik
Gipuzkoan egonda. (bis)
A.M. Peñagarikano
Egaña bera ere
dago oso lasai
gonbidatzeko lagun
pagatzeko etsai
pagatu behar danean
burla eta jai jai
Zarauzkoa ez dakit
debaldekoa bai. (bis)
A. Egaña
Honuntz elkartu gaitu
pagano arrazak
jan-edan ondoren guk
fededunan trazak
batek “”Uztak!” zioen
besteak “Laga zak!”
agur ordainduko du
herriko apaizak! (bis) *
J. Soto
Apaizak’e falta du
txanpona, papela
kontu emanda nago
ze egin bestela
ordaindu gabe joan
beharko garela
azken aldian egin
genuen bezela. (bis)
* Unai Manterola, gai-emailea, apaiza da.