Bertsos - View details To know more about this section
2013-11-10 Tolosa Txapelketa [Bertsoa] / Iñigo Mantzizidor "Mantxi"
| Bertsoa entzun |
2013-11-10 Tolosa Txapelketa [Bertsoa] / Iñigo Mantzizidor "Mantxi"
Stanza name:
Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip)
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
Umezurztegi batean nengon
baina bost-sei urterako
ihes egitea pentsatu nuen
plana pentsatu beharko. (bis)
Leiho bakarrak ematen zuen
herriko trenbiderako
umea nintzen ta uste gabe
hara egin nuen salto
trenak ez zun egin alto
ta egun hartan ez nintzan zendu
patuak nahi ez zulako. (bis)
Zortzi urtekin egin ninduten
famili baten bezero
mutiko traste samar izaki
pasa det mila endredo. (bis)
Amaordekoai esaten diot
“Uztazu piztuta edo
nik lokartzean joango zera
itzalduko dezu gero”.
Ia bihurtzen naiz ero
trena gainera datorkidala
amesten baitet gauero. (bis)
Baina ez, ez zen tren azpi hartan
zabaldu nere odola
gainean txixa egin nuela
ez det ahaztuko inola. (bis)
Baina ametsak esnatu ohi nau
ni gauero hara nola:
izerdi batez dar-dar betean
negarrez ezin kontsola
baina lortzen det kontrola
ta egunero ospatu ohi det
bizi-bizirik nagola. (bis)