Bertsos - View details To know more about this section
2012-12-15 Bilbo Txapelketa [Bertsoa] / Igor Elortza, Jone Uria Albizuri
| Bertsoa entzun |
2012-12-15 Bilbo Txapelketa [Bertsoa] / Igor Elortza, Jone Uria Albizuri
Stanza name:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Localization:
XDZ - Xenpelar Dokumentazio Zentroa
I. Elortza:
Bagoaz larogeiruntza
makaltzen doa gorputza
eta krisiak eragin deusku
bizi aldakuntza.
Aurreztu arren dirutza
ez da komenientzi hutsa
bestela ere beharko dogu
alkarren laguntza. (bis)
J. Uria:
Lehen gazte gazte egonak
orain aitona amonak.
Krisiarenak ez dira gero
ene Igor bromak!
Oroituta garai onak
izandakoak bionak
ahaztuta neuzkan hala ere zure
zurrunka sakonak. (bis)
I. Elortza:
Behin bizi behar munduan
zurrunka sudur zuluan.
Ia konpontzen garen gu planak
adostuz buruan.
Zurrunka dozu akorduan
ta plana euki goguan:
ez ahaztu sofa neurea dala
siesta orduan. (bis)
J. Uria:
Beraz sofara saltoan
zoaz siestarakoan
baina ez gaitezen jardun haserre
eta gorrotoan.
Egia dugu gaurkoan
konturatu naiz atoan
ume garaira bueltatzen dela
zahartzerakoan. (bis)
I. Elortza:
Ume aroaren usai
hartzea ez dogu etsai
baina kanpoan neu be egin naz
bizitzarako gai.
Gaur ospatu daigun alai
ta bihar be bizi lasai.
Gaur afaria neuk egingo dot
Bihar ta etzi be bai. (bis)
J. Uria:
Beraz zu sukaldaritzan
hasiko zara langintzan
gero harrikoa nik egin behar
dut elkarbizitzan.
Gaur arte geunden desditxan
bi alargun tristeren gisan.
Gure kasuan krisia ez da
txarrerako izan. (bis)