Bertsos - View details To know more about this section
2013-01-05 Oñati Jaialdia [Bertsoa] / Maialen Lujanbio, Aitor Mendiluze
| Bertsoa entzun |
2013-01-05 Oñati Jaialdia [Bertsoa] / Maialen Lujanbio, Aitor Mendiluze
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
M. Lujanbio
Urruti xamar baina
ezkonduta legez
beti elkarri zipotz
elkarri haserrez.
Zure whatsappak jaso
nahiago det berez:
tonurik ez dute eta
keinurik ere ez.
A. Mendiluze
Lehen gutunak perfumez
perfumatu zale
elkarri bidaliak
majina bat ale!
Uain whatsapp mezuekin
dale eta dale!
Esateko askorik
ez dugun sinale.
M. Lujanbio
Hitzik ezin gurutza
zuzen ta muxu-truk
ze esanik ba al degu?
Igual kontun batzuk.
Maitasun ikur gisa
har zenezake zuk
sateliteraino ta
buelta maite zaitut.
A. Mendiluze
Lehen nahiago genuen
ondora esana
orain komunikatu
zeruetan barna.
Zer da satelitera
ta bueltan doana
biok baldin bagera
satelite bana?
M. Lujanbio
Ta orbitan urruntzen
distantzia haundiz
garai baten geundenak
hurbiltzeko premiz
elkarri ez diogu
ia egiten hitz
ta mezurik ere ez
debalde ez balitz.
A. Mendiluze
Beraz debaldekoak
gustatzen zaizkizu
beste zerbait komeni
zaigula adizu:
berriz ere agian
idazten ari zu
arkatza ta papera
emango banizu.
M. Lujanbio
Arkatza ta papera
alde alde alde!
Hori nekosoa da
nahiz izan debalde.
Hola modako gabiltz
dudarikan gabe
maiteminduta ez baina
konektauta gaude.
A. Mendiluze
Laister konexio hau
baietz eten guri!
Sofan alde banatan
larri ta urduri...
"Bi plazakoa erosi
nahikoak ditu bi"
eta orain sei plaza
dauzkala dirudi.