Bertsos - View details To know more about this section
2013-05-17 Zalla Jaialdia [Bertsoa] / Andoni Egaña, Alaia Martin
2013-05-17 Zalla Jaialdia [Bertsoa] / Andoni Egaña, Alaia Martin
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Egaña
Herriz herri oholtzan gu
beti ika-mikan
haurrarena sorpresa
izan da kasikan.
Ez nago nerbioso
triste ez pozikan
guk ez baitugu egin
kantatu baizikan. (bis)
A. Martin
Ameslariak ginen
ta orain bi loti
plazaz plaza elkartuz
geltokiz geltoki.
Beste ezer izatez
ez dago egoki
ni haurdun geratu naiz
metaforikoki. (bis)
A. Egaña
Beraz haurra izaten
ez daukazu lanik
ez degula deus egin
neronek esanik
baina hainbeste grina
badauka Andonik
metaforaz gaindikan
egingo nuke nik. (bis)
A. Martin
Egitea ipini
ezkero helburu
argi zegoen ni ez
nengola seguru
ta orain zenbat lotsa
ta zenbat apuru!
Errimatu nahiean
poto egin dugu. (bis)
A. Egaña
Haur hori izango da
gu bion zatia
oholtzan sortu genuen
ume tematia
bertsotan amestua
doinuei atxikia
ta deituko diogu
zortziko txikia. (bis)
A. Martin
Beraz izango dugu
betirako lagun
zu saiorik saio ta
ni berriz alargun.
Sexuan horren txukun
zinenez zu jardun
hamarreko txikia
izenda dezagun. (bis)
A. Egaña
Izen aldaketanak
egin dit grazia
nik mingaina dut luze
bestea gezia
eta izan ezkero
nahiko malezia
deitu behar genioke
neurri berezia. (bis)
A. Martin
Izengintzan zabiltza
ilusioz trebe
honek izan lezake
hainbeste botere
ni erdi neurotiko
zu oholtzan errege
berezia izango da
izen gabe ere. (bis)