Bertsos - View details To know more about this section
2013-08-07 Aia Jaialdia [Bertsoa] / Arkaitz Estiballes
| Bertsoa entzun |
2013-08-07 Aia Jaialdia [Bertsoa] / Arkaitz Estiballes
Stanza name:
Hamaseiko handia (hg) / Zortzi puntuko handia (ip)
Localization:
XDZ - Xenpelar Dokumentazio Zentroa
Hilabete bat ez da igaro
aita hil zitzaigula ai
eta gauetan esnatu ohi naiz
sarritan izerditan blai.
Etxean daude bere argazki
bere arropa ta usai
eta zerura begira nabil
ia etorriko den zai
ama ta biok utzi baikaitu
ez senide ta ez anai
hasera baten bertsotan ere
ia ez nuen egin nahi
baina gauero kantatzen diot
ta ahal baldin bada alai.
Berarengatik egiten dut hau
ta neregatik ere bai.
Gazte aroan pentsatzen duzu
aita beti dela kate
hogei urtekin pentsatzen duzu
egiten dizula kalte.
Geroxeago eredu dezu
norbere eskaparate
eta aitona eiterakoan
berriz familian parte.
Ez pentsa gero nik nere aita
gorroto nuenik bat’e
maitatzen nuen bere jenio
umore eta aldarte
bene-benetan ta harro diot
“Asko zintudala maite”
baina ez nekin zenbateraino
albotik joan den arte.
Ia gauero egiten ditut
lo hartzeko ahaleginak
baina ama ta biok hartu gaitu
gaur lorik egin ezinak.
Duela gutxi izan da eta
barruan dauzkagu minak
nahiz ta min hoiek ta lo hartzeko
badauzkagun medizinak.
Farmazian ere pilulak daude
berdeak eta urdinak
ta beste batzuk sendatzen ditu
fedeak edo doktrinak.
Hoiek bakarrik sendatze’ituzte
barreneko min arinak
ta kantatzeak sendatzen dizkit
dauzkadan minik haundinak.